​

O‘zbekistonda elektromobil minish orzusida yurganlar uchun ajoyib xushxabar bor, chunki endi elektromobil xarid qilish ancha arzonroq va qulayroq bo‘ladi. Vazirlar Mahkamasining yangi qaror loyihasiga ko‘ra, 2026-yil 1-avgustdan boshlab aholiga ajratiladigan avtokredit foizlarining bir qismini davlat o‘z zimmasiga oladi. ​Yangi moliyaviy mehanizm ham ekologik toza transportga bo‘lgan talabni oshirishga, ham hamyonga tushadigan moliyaviy yukni yengillashtirishga xizmat qiladi.

​Kredit shartlari va limitlar

​Banklar tomonidan birlamchi bozordan elektromobil sotib olish uchun 300 million so‘mgacha avtokredit ajratiladi. Bunda xarid qilinayotgan avtomashina qiymati BHMning 1000 baravaridan oshmasligi lozim. ​Davlat tomonidan ko‘rsatiladigan yordam dastlabki ikki yil davomida amalda bo‘ladi. Kompensatsiya kredit stavkasining 16 foizdan yuqori bo‘lgan, ammo 8 foiz bandidan oshmaydigan qismiga tatbiq etiladi.

​1. Agar bank krediti 20 foiz bo‘lsa, 16 foizdan oshgan 4 foizini davlat to‘laydi.

​2. Agar stavka 25 foiz bo‘lsa, maksimal cheklov bo‘yicha 8 foizlik qismi qoplab beriladi.

​Kimlar va qaysi mashinalar uchun beriladi

​Imtiyozdan foydalanish uchun bir nechta oddiy talablar mavjud.

1. ​Qarz oluvchi O‘zbekiston fuqarosi bo‘lishi va bankda to‘lovga layoqatli deb topilishi hamda muddati o‘tgan qarzdorlikka ega bo‘lmasligi kerak.

2.​ Kredit milliy valyutada rasmiylashtirilishi zarur.

​3. Mobil vosita faqat elektr dvigatelida harakatlanadigan M1 kategoriyasi va birlamchi bozordan xarid qilinadigan bo‘lishi shart.

​Pullar qanday ajratiladi

​Subsiya mablag‘lari fuqaroning qo‘liga naqd pul shaklida berilmaydi. Iqtisodiyot va moliya vazirligi ajratilgan kompensatsiyani to‘g‘ridan-to‘g‘ri bankdagi hisobvaraqqa o‘tkazadi, bank esa uni kredit foizini yopishga yo‘naltiradi. Agar qarz oluvchi to‘lovlarni uch oy ketma-ket kechiktirsa yoki sohta hujjatlar aniqlansa, kompensatsiya to‘xtatiladi. Mazkur mehanizm 2026-yilda mezonning qo‘shimcha manbalari, kelgusi yillarda esa Davlat budjeti hisobidan moliyalashtiriladi.