"Neuschwanstein" qasri Germaniyaning Bavariya mintaqasida, Alp tog‘lari bag‘rida joylashgan bo‘lib, uni 1869 yilda qirol Ludvig II qurdirishni boshlagan.

Qasrning loyihasi Julius Hofmann tomonidan tayyorlangan bo‘lib, asosan Romanesk uslubida barpo etilgan. Ushbu qasr qirol Ludvig II ning shaxsiy orzusi bo‘lgan va u hech qachon rasmiy qirollik qarorgohi sifatida foydalanilmagan.

Aynan "Neuschwanstein" qasri Walt Disney uchun ilhom manbai bo‘lib, Disneylanddagi "Sleeping Beauty" (Uxlovchi Go‘zal) qasri aynan shu qasrga asoslangan.

Taxt zali - qasrning eng muhim xonalaridan biri bo‘lib, 13 metr balandlikka ega va qo‘sh gumbazli ulkan maydonni egallaydi. Zalning devorlarida Xristian diniy obrazlari aks ettirilgan bo‘lib, zal qirollik hokimiyatining ilohiyligini ifoda etish uchun bezatilgan. Taxt joylashishi kerak bo‘lgan joy esa bo‘sh qolgan, chunki qirol Ludvig II ning o‘limidan so‘ng qasr to‘liq tugallanmagan.

Qo‘shiqchilar zali - qasrning eng katta xonalaridan biri bo‘lib, uning uzunligi 27 metr, kengligi esa 10 metr. Zal Gotika va Romanesk uslublarining uyg‘unligida barpo etilgan. Qirol Ludvig II buyuk bastakor Richard Wagner musiqasiga juda qiziqqan va aynan shu zal opera va spektakllar uchun mo‘ljallangan. Uning devorlarida mashhur Parzifal va Lohengrin afsonalari tasvirlangan.

Qirol yotoqxonasi – Bu xona o‘ta murakkab yog‘och o‘ymakorligi bilan bezatilgan bo‘lib, Ludvig II ning didiga mos Gotika uslubida qurilgan. Uyqu joyi qo‘lda ishlangan yog‘och to‘shak bilan jihozlangan bo‘lib, devorlarida qirol sevimli bo‘lgan Tristan va Izolda afsonasi tasvirlangan.

Grotto (sun’iy g‘or) – Qasrning eng g‘ayrioddiy xonalaridan biri bu sun’iy g‘ordir. Qirol Ludvig II bu g‘orni afsonaviy sehrli dunyoni eslatadigan joy sifatida yaratgan. Ichkarida sun’iy sharshara va yoritish tizimi mavjud bo‘lib, atmosfera o‘zgaruvchan yorug‘lik effektlari orqali o‘zgartirilgan. Ludvig II qushlarni juda yaxshi ko‘rgan. Shuning uchun qasrning turli joylarida oqqush haykallari va tasvirlari mavjud.

Qasrda tajribaviy markaziy isitish tizimi mavjud bo‘lib, XVIIII asr uchun juda ilg‘or texnologiya hisoblangan.
Uzoq vaqt davomida qasr "Mad Qirolning Qasri" deb nomlangan, chunki Ludvig II ning o‘ziga xos me’moriy didi ba’zan tushunarsiz deb qabul qilingan.
"Neuschwanstein" qasri hech qachon harbiy maqsadlarda foydalanilmagan, chunki u faqat shaxsiy orzu sifatida qurilgan. Ikkinchi jahon urushi paytida nemislar bu qasrdan o‘g‘irlangan san’at asarlarini saqlash uchun foydalanishgan.

Har yili qasrni taxminan 1,5 million sayyoh tomosha qiladi.
"Neuschwanstein" qasri bugungi kunda nafaqat Germaniyaning eng mashhur me’moriy obidalaridan biri, balki butun dunyo bo‘ylab sayyohlarning orzusi bo‘lgan mo‘jizaviy joy sanaladi.

Qurbonnazarova Fotima Maktab O'quvchisi