Ukraina Prezidenti Vladimir Zelenskiy o‘zining “X” ijtimoiy tarmog‘ida mamlakat mudofaasi bo‘yicha (Ramshteyn formati) aloqa guruhi yig‘ilishida ishtirok etish uchun Germaniyada joylashgan AQSH harbiy-havo bazasi, ya’ni Ramshteyn aviabazasiga borishini ma’lum qildi.

“Men guruh yig‘ilishida qatnashaman, AQSH va Germaniya mudofaa vazirlari Lloyd Ostin va Boris Pistorius bilan uchrashaman. Germaniya kansleri Olaf Sholts bilan alohida muzokaralar olib boraman”, — degan Prezident.

Shuningdek, Zelenskiy Italiyada bo‘lib o‘tadigan “Ambrosetti” xalqaro iqtisodiy forumida ishtirok etish, Italiya biznesi vakillari bilan uchrashuvlar, Italiya Vazirlar Kengashi Raisi Giorgio Meloni bilan muzokaralar o‘tkazish rejasiga ham to‘xtalgan.