O‘zbekistonga olib kelingan Afg‘oniston aviatsiyasi taqdiri hal bo‘ldi.
Vashington va Toshkent 2021 yilda Afg‘oniston harbiylari tomonidan O‘zbekistonga olib kelingan aviatsiya texnikasini O‘zbekistonda qoldirishga kelishib oldi, deb xabar berdi Sputnik.Nashrga ko‘ra, AQSH elchisi Jonatan Xenik: “Bu texnikalar hech qachon afg‘onlarga tegishli bo‘lmagan, u har doim Amerikaniki bo‘lgan. Ular [Afg‘oniston armiyasi] undan foydalangan, ammo biz har doim uning egasi bo‘lganmiz” – deya izoh bergan.
“2021 yilda afg‘on uchuvchilari O‘zbekiston va Tojikistonga jami ishlatishga yaroqli havo texnikasining taxminan 25 foizini olib kelishgan edi. Qobul 2022 yilda Toshkent va Dushanbedan ushbu aviatsiyani qaytarishni talab qilgan. O‘zbekiston bunga rad javobini berib, texnika AQSHga tegishli ekanini aytgan”, — deyiladi xabarda.